Arrinta Sanadka: Fashiyoonka "Mooshinka

"Wixi Cusub Caalamka Ayaa Jecel"   oraah caan ah ayaa  tiri.

 Malahaygna oraahdani  waxa ay fasir  ka bixineysaa xiisaha  Somalida ee durba' dhamaado ka hor xitaa inta aysan cusboonidu duugoobin. maadaamo, wixii  cusuba uunan ahayn, dhar, guri, gaari,  ….IWM oo qur ah,  calmashada Soomaalida ee waxii cusub ma ahan ceebteede waa caadood.

"Mooshin" ayaa noqday jilaaga Sanadka ee ay bulshada Somalidu ka daba dhacday, siyaasiyiintuna dhab ugu dhaateen. Waa moodo cusub oo suuqa kasaartay, Saamiga Qaranimada oo  gadaalkii danbe beeciisu uu  hoos dhacay.  

Badanaa, Sacabka iyo Xamaasadda Ka sokow taageerayaasha  Soomalida waxa ay uga gedisanyihiin kuwa  dunida,iyaga oo aanan  qeybin ( xafidin) siirada iyo hab-noolaleedka xiddigga ay ka daba-dhacaan. Sidaa awoogeedna Xiddiga "Mooshin" Somalida waxa ay  aad ugaranayaan Kaliya marka uu ku labisto dharkiisa caanka ah ee Laaluush ka, lakin wajigiisa rumaad ilaa hadda cidana ma taqaan!.Hayeeshee guud ahaan gayiga Somaaliyeed oo idil, si aad ah ayaa  looga dabadhacay  fashion kan.

Muqdisho: labo sano wax aanan dhameyn , ayaa labo Xukuumadood afka-ciida loo daray , waxayna eersadeen Falaaraha Moshinka.(Xukuumaddii Saacid Iyo Cabdi-wali).Madaxweynaha Somaliya ayaa si yaab leh uga badbaaday mooshin lagakeeni lahaa, Waxaa sidoo kale mooshin laga keenay Xeer-Ilaaliyaha Guud.

Hargeysa:  Gudoomiyaha Golaha Guurtida ee Somaliland Mudane C/raxman Cirre ayaa si dirqi ah uga bad-baadey mooshin xilka looga xayuubin lahaa.                      Sidoo kale: duqa magaalada Hargeysa  Cabdiraxmaan Soltelco ayaa bad-baday Mooshin ay golaha deeganka lagaadayeen.

Gaarisa: Nadiif Jamac barasaabka Degmada Gaarisa ayaa waxaa mooshin kalsooni kala noqosha ah ka gudbiyaya Xubnaha golaha deegaanka ee degmada Gaarisa.

Hadaba waa Maxay mooshinku ?

1-      Moshin sida uu Dastuurku u yaqaan:

 Dastuurka Federalka meelana ugama qorna Mooshin,lakin Qodabka 69aad xarafka(C) ee dastuurka Federalka ah waxa uu awood u siinayaa Golaha Shacabka in ay la xisaabtamaan Xukuumadda.  Iyaga oo awood u leh in ay u yeeraan Xubnaha Golaha wasiirada si loo hubsado hufanida iyo hawl- gudashadooda ama Su'alo loo weydiiyo.

2-        Mooshin Sida uu Barlamaanka u yaqaano:

(Dhadhan shaa waalan dhergaana ka daran). Waa waxa dhaguhu maqlaan waxa ugu suuban, waa isha-dheefta iyo irsiqa. Maalinta deyntii Hotel lada la gudi lahaa.

3-      Mooshin Sida ay Bulshadu u Taqaano:

Dar-bada(feedh) ugu xun ee uu madaxweynuhu ku hiifo, Raisalwasarihii isku soo taago!

4-      Mooshinka iyo xaqiiqadiisa:

"Moshion" waa weedh Afka Ingriisiga ah; waxaa loola jeedaa Soo-jeedin. Inta badan Barlamaanada kuwa deegaanka ama Golayaasha Barlamanka ayaa xaq u leh in ay tiro xubnihiisa ah soo jeediyaan, qorshe dhaliileed ka dhan ah xukuumadda ama maamulka deeganka, kadib Xukuumaddu waxa ay iska difaaceysaa edeyntaas, waxaana loo  eegayaa soo-jeedintaas iyo nuxurkeeda had-ba inta uu u adeegayo danta Qaran ka.

Adam Hussein ( Adam Hussein ) 

Qoraa Daneeyo Arr.Somalida.